This is my life=o)

Ég er flutt......

Sun, 29 Jan 2006 20:26:50 GMT

http://vallaosk.blogspot.com/

föstudagur að kvöldi kominn

Fri, 27 Jan 2006 23:35:41 GMT

Merkilegt að lesa danskar íþróttafréttir um þessar mundir því þar er mikið fjallað um íslenska landsliðið í handbolta!! Þeir eru pínu glaðir yfir því að Ólafur hafi ekki getað spilað með í leiknum í kvöld en samt virka sárir út í serbana fyrir að fara svona með hann!! Kannski eru þeir bara hræddir um hvað fantarnir eiga eftir að gera við þá á sunnudaginn þegar þeir verða úthvíldir og komnir með blóð á boltann eftir að hafa unnið ungverja í kvöld.......finnst ykkur ég vera að missa mig í sportinu????8)

Þetta er Þóru að kenna hún "neyddi" mig til að horfa á leikinn í gær og núna get ég ekki hætt:klikk:...........annars ætti ég að vera áhyggjufull því ég er hrædd um að Þóra mín sé eitthvað fúl út í allt sem tengist Danmörku og ég held hún vilji helst banna dönskukennslu á landinu;) Kannski hún lemji mig næst þegar við sjáumst!!!;)

Í dag var ég á fundi frá 10-16 um gerð stofnanasamninga, það var fjármálaráðurneytið sem hélt þennan fund. Þetta var ágætis fundur og það var komið inn á marga punkta sem eiga eftir að nýtast okkur við að gera stofnanasamninginn fyrir skólann. Það er ein af þessum aukaverkefnum sem ég er í þessa önnina!

Eftir fundinn fór ég í Bónus og Samkaup og verslaði slatta! Ég kom líka við á Essó tvisvar í dag og fékk yndislegu mennina þar til mæla olíuna á bílnum, setja rúðuvökva á hann og skipta um peru í stefnuljósinu hjá mér sem gafst upp í dag. Bíllinn minn er sæll og ánægður og ég er nokkuð sátt!!

Í kvöld er Idol og á morgun er Evróvision undankeppni þannig að það er tónlistarþema þessa daganna.

Ég þjáist af verkkvíða þessa dagana8|....ég er rosa góð í að finna afsakanir fyrir því að gera ýmislegt en nú er ég að fara að taka mig á í þessu. Ég er að hugsa um að nota eins og 5 klukkutíma á morgun til að hreinsa aðeins til á vinnuborðinu og svo á sunnudaginn ætla ég að taka aðeins til á skólaborðinu mínu - þá er ég líka klár í nýja viku!!!8)

Næstu viku ætla ég svo að nota til að undirbúa mig andlega fyrir hororvikuna sem er vikan þar á eftir!!!!!!:cry: Það er samt góð vika að því leyti að mamma mín á afmæli á fimmtudeginum en það verður svo mikið að gera alla vikuna að ég hef áhyggjur af því hvernig ég verð stemmd 10 febrúar???!!8|

Auðvitað veit ég alveg að ég á eftir að rúlla þessu upp með öllu góða fólkinu sem er að vinna með mér að hinum ýmsu atburðum en ég verð þreytt!!!!!8|

Höfum bara áhyggjur af því seinna....er að hugsa um að fara snemma að sofa svo ég verði fallegri á morgun en ég er í dag.....sem er í raun og veru mikil áskorun þar sem ég er hrikalega sæt í dag:haha:

dagurinn í dag

Thu, 26 Jan 2006 09:19:13 GMT

Ég skrifaði hérna í gær en eina skiptið sem maður tekur ekki copy af textanum þá hverfur hann!!!!!

Í gær fór ég að versla á Blómsturvöllum - það var að byrja útsala og ég gerði góð kaup og bráðnauðsynleg!

Ég er búin að vera að spá í áramótaheitum en ég nenni ekki alveg að endurtaka upptalninguna sem ég gerði í gær þannig að ég læt mér nægja að segja að mér gengur vel að standa við þau fáu sem ég strengdi - monta mig kannski af þeim síðar.

Þegar ég kom hingað á sunnudagskvöld var snjór hérna en núna eftir tveggja daga rok og rigningu þá er snjórinn farinn - jei!!!!!

Það er frekar mikið að gera í vinnunni og skólanum og mér sýnist að dagatalið sé orðið fullt í febrúar og byrjun mars fyrir utan kannski 3-4 daga....allir föstudagar næsta mánuðinn eru farnir og vikan 6-10 feb. verður örugglega frekar flókin - erlendir gestir hér mánudag og þriðjudag (ég er tengiliður þeirra) og þemadagar miðvikudag, fimmtudag og föstudag (ég er í undirbúningsnefndinni) og svo er sennilega eitthvað heimasíðunámskeið eftir skóla á föstudeginum!

En það er nú best að lifa í núinu og núna eru 4,5 kennslustundir og kennarafundur eftir af þessum degi og svo einhver þemadagsundirbúningur.

þá vitið þið það

Tue, 24 Jan 2006 23:17:06 GMT

Your Heart Is Orange

Love equals unbridled happiness for you. You enjoy the wild ride of falling in love.
And while the ride is fun for a while, you always get off once the thrill is gone.

Your flirting style: Hyper

Your lucky first date: Anything you need your passport for!

Your dream lover: Is both daring and well grounded

What you bring to relationships: Energy

erfiður dagur að kveldi kominn (já eða nóttu)

Mon, 23 Jan 2006 02:35:30 GMT

Ég er búin að eyða 8 tímum í rútu í dag:klikk: - ég semsagt komst að því rétt áður en ég átti að fljúga frá Akureyri að fluginu var aflýst og engin leið heim nema með rútu:(

Annars held ég að það ætti að aðvara atvinnubílstjóra við því þegar ég á leið um Öxnadalsheiði því seinast þegar ég átti leið þar um þá var flutningabíll útaf og núna var rúta útaf....ekki spurning um vont veður heldur eingöngu ógurlega andlega krafta mína!!!!

Talandi um vont veður þá var rútan a.m.k. 45 mín á eftir áætlun og ég held að farþegarnir sem biðu eftir mér í Borgarnesi hafi ekki verið ánægðir8| en ég komst nú sem betur fer með rútunni hingað og er komin heim í ......þvílíkt vesen að geta ekki notað heiðardalinn.... þið gáfaða fólk getið þið gefið mér eitthvað orð í staðinn!!! Ég er jú alin upp í heiðardal og kann ekki svona sjávarplássamálýsku!!!!!

Þar sem ég eyddi öllum deginum á ferðinni í dag þá náði ég ekki alveg að klára vinnunna eins og ég ætlaði að gera á meðan ég biði eftir rútu á BSÍ í dag þannig að ég er búin að vera að klára hana núna!!!! og svo auðvitað fer ég að hanga á netinu í staðinn fyrir að fara að sofa:S þvílíkur kjáni8)

fimmtudagshugleiðing

Thu, 19 Jan 2006 12:55:59 GMT

Núna er ég á Akureyri og er að reyna að læra eitthvað8)

Hér er búið að vera eins veður síðan ég kom á þriðjudagskvöld....mér finnst æðislegt að veðrið sé eins þegar ég fer að sofa og þegar ég vakna, hér er reyndar frost en það er bara hressandi:D

Mér líkar samt ekki vel við þetta nýja ár!!!!!!!!!!!!!! Ég er búin að detta einu sinni í viku síðan árið byrjaði:cry:

Sko fyrst byrjaði ég á því að detta niður báðar tröppurnar fyrir utan heima hjá mér, síðan datt ég þegar ég var að fara út heima hjá mér, s.s. datt út og í gær ákvað ég að leika belju á svelli og kastaði mér flatri í hálku. Ég er að spá í hvort rassinum á mér finnist ég ekki nógu jarðbundin??????8|

Sem betur fer hef ég komist nokkurn veginn ómeidd frá þessu en ég neita að halda þessu áfram!!!!!!!!!!!!!!!:klikk:

Flugferðin hingað var sú stysta sem ég nokkurn tíma hef farið í....ég lokaði augunum á Reykjavíkurflugvelli á meðan ég beið eftir því að við færum á loft og svo vaknaði ég við að við vorum að lenda hér á Akureyri, ég var svo rotuð að það lá við að flugfreyjan þyrfti að henda mér út, hún hló alla veganna þegar ég var að staulast út úr vélinni:S

Í gærkvöldi bætti ég inn á langtímaplanið - þar voru bara 2 hlutir fyrir (útskrift 2007 og meira háskólanám) en núna er ég búin að bæta inn þannig að það eru heilir 3 hlutir á langtímaplaninu, ég held það sé vissara að tala ekki um þetta á opnum miðli strax en það hefur ekkert með barneignir eða giftingu að gera!!!!!!! Kannski ég ræði þetta á næsta fundi hjá Hugarró...sem er félag dagdrykkjumanna...við reyndar drekkum bara grænt te og sykurlaust gos hingað til en vissulega drekkum við það á daginn!!!!:haha:

Heyrumst seinna og hafið það gott þarna úti!!!:P

helgarlesningin

Sat, 14 Jan 2006 01:58:36 GMT

Já nú er liðin heil vika hérna á landsbyggðinni ég er búin að vera á fullu en samt er það svartholinu að kenna að ég hef ekki bloggað!!!!! (ég veit að núna kinkið þið kolli og hugsið "Jæja þá er Valla endanlega farin yfir um" en svo er ekki!!!!!!!!!!)

Sumir eru með áru í kringum sig en ég er með svarthol sem gleypir allan minn tíma og gott betur. Ég lít kannski á klukkuna og hún er 23:02 og svo les ég smá á netinu og lít á klukkuna og þá er hún orðin 02:32!!!! Ég hef stundum áhyggjur af því að ég eldist óeðlilega hratt og sé kannski bara 25 en ekki komin á fertugsaldurinn...ég kann annars ágætlega við svartholið mitt og því það hefur fylgt mér síðan fyrir daga Internetsins og valdið mér ómældum vandræðum hjá foreldrum mínum þegar ég gleymdi mér við bókalestur en átti að vera að setja matinn á borðið, brjóta saman þvott, passa bræður mína eða bara eitthvað annað en lesa! Nú vitið þið að það er ekki mér að kenna heldur svartholinu sem ég er að hugsa um að nefna Skugga!

Þetta var fyrsta kennsluvikan og allir áfangar komnir í gang, ég er í samstarfsnefnd, þemadaganefnd og skipti mér eitthvað af Gettu betur líka þannig að ég er nokkuð dekkuð á félagsmálasviðinu...verst að það virðist ekki vera eftir tími fyrir fullorðinsfélagslíf:(

Í dag um 3leytið uppgötvuðum við Þóra Magga að við vorum næstum einar eftir í vinnunni og gekk okkur frekar illa að höndla það þannig að við ákváðum að skella okkur á barinn. Þar tepptum við sófann í þó nokkurn tíma áður en við fórum og elduðum og horfðum á Idolið. Síðan fór ég og tók út nýju íbúðina hennar (við elduðum nefnilega heima hjá fósturforeldrum hennar;) ) Íbúðin er flott!!!

Ég labbaði svo heim í byl...alla veganna svona smá byl og er komin hérna inn í hlýjuna og er að bíða eftir því að ég verði þreytt aftur, það er alveg að vera komið að því, finn ég á augunum.

Heyrumst seinna

föstudagslíf

Sat, 07 Jan 2006 01:18:14 GMT

Það er mikið að gerast núna hjá mér, vinnan er byrjuð og í dag mættu nemendurnir í kynningartíma og svo byrjar kennslan á mánudaginn.

Ég er á fullu í skólanum og 18. janúar er næsta staðlota á Akureyri, sennilega enda ég á að fara með flugi frá Reykjavík því það er víst vetur núna. Akkúrat núna snjóar á fullu hér en áðan var rigning og í gær snjókoma og fyrra dag var snjókoma.....ég er orðin SVO þreytt á því að veðrið geti ekki ákveðið sig hvernig það ætlar að verða!!!!

Ég er aldrei þessu vant búin að segja já við allt of mörgum verkefnum en ég held samt að það verði gaman þessa önnina.

Ég er búin að vera í húsmóðurgírnum seinustu vikuna og er að vinna í því að koma mér í rútínuna aftur, akkúrat núna er ég ca 90% í rútínu og réttu mataræði en á mánudag verður tekið á seinustu 10% og þá verður allt auðveldara, það er samt gott að hafa smá svigrúm í smá stund. Ég veit að það er ekkert mál að byrja aftur 100% og kannski ég dragi Mögguna og Sirruna með mér og láti þær kenna mér á salinn í staðinn;)

Það gengur ágætlega að koma sér fyrir eftir að fínu hillurnar og skúffurnar eru komnar á sinn stað og bækurnar sóma sér vel í bókahillunni og geisladiskarnir eru svo ánægðir í nýju hillunni sinni!!!!!

Gleðilegt ár

Tue, 03 Jan 2006 07:43:21 GMT

Ég er komin heim aftur!! Jólin og áramótin voru afslöppun og rólegheit að mestu leyti:) Ég horfði á DVD nonstop....svona næstum því!!! Það var jú líka tími til að borða.

Ég fékk fullt af góðum gjöfum og vonandi gaf ég líka nokkrar góðar!

30. desember fór ég til Reykjavíkur að eyða peningum....ég fór á útsölur í IKEA og Hagkaup og stóð mig bara frekar vel í því að eyða!

Í dag...eða var það í gær??? var allt dótið mitt svo selflutt í Grundarfjörð, reyndar var það ekki beinlínis selflutt heldur fórum við á tveimur bílum;) og svo settu pabbi og mamma upp hillur og skúffur og geisladiskahillu og ég....ég lagði af stað aðeins seinna þannig að ég setti bara saman nýju lampana mína og vaskaði upp nýja matarstellið mitt!!! Ég er ekki einu sinni búin að búa um rúmið mitt eða ganga frá fötunum mínum...ég einfaldlega nenni því ekki....en ég er búin að raða geisladiskunum í hilluna og næstum öllum bókunum líka....þvílíkt dugleg!! núna er það bara ca ¼ stofunnar sem lítur út eins og ruslahaugur þannig að það er pottþétt framför.

Fyrst ég var í Reykjavík hitti ég Jónu og Tótu í smástund og við skiptumst á kjaftasögum og það var skemmtilegt eins og alltaf, við plönuðum næsta hitting, ég fór líka í leikhús þegar ég á annað borð var í Reykjavík, ég sá WOYZECK sem er sýnt í Borgarleikhúsinu og ég mæli eindregið með því!!!

var aðeins að hugsa....ætli einhver hafi fattað að ég er andvaka!!!!!

jólasæla

Wed, 28 Dec 2005 15:26:12 GMT

hér er dásamlegt að vera....

ég er búin að hangsa og horfa á friends og s&c - er að hita upp fyrir maraþonið Þóra...I will be ready!!!!

ákvað að láta vita af mér héðan úr sælunni knús á ykkur öll

Ps) ég er ekki búin að borða neitt nammi um jólin en fullt af góðum mat

fimmtudagsblaður

Fri, 23 Dec 2005 00:25:58 GMT

Í dag ákvað ég að prufa eitthvað nýtt......þannig að ég fór út á Hellissand!!!!

Ég er búin að vera að leita mér að úlpu í nokkrar vikur og ekki fundið neitt - fyrr en í dag:D Ég fann loksins úlpuna mína:!: Ég reyndar keypti mér líka nokkur pör af sokkum en það er nú ekki fréttnæmt;)

Bíllinn minn tók upp á því að vera dónalegur við mig í byrjun vikunnar en með sjúkdómsgreiningu og smá meðferð frá góða samverjanum þá er bíllinn orðinn eins og hann var og ég er uþb að verða búin að fyrirgefa honum dónaskapinn....

Á morgun ætla ég einmitt að hlaða gripinn gjöfum og skreppa í jólabústað...maður getur ekki sagt sumarbústað á veturna er það...Einar bróðir verður í sama bústað og erum við búin að plana dvdgláp og annað afslöppunarefni.....ætli hann hafi gaman af s&c....kannski ég geti kennt honum að meta þær stöllur;

Einar, Einar og Einar verða allir á sama stað um jólin í ár eins og í hitteðfyrra -seinustu jól var Einar fyrir vestan um jólin en hjá okkur um áramótin...hljómar þetta flókið???? Til aðgreiningar má líka kalla þá Valgarð, Örn og Má og það var Mási litli sem var fyrir vestan í fyrra. Þetta eru sem sagt faðir, bróðir og frændi:D Einn afi minn hét líka Einar og langafi minn hét Einar og bróðir hans Steina afa hét Einar, síðan á ég amk tvo frændur í föðurætt sem heita Einar...það eru víst líka nokkrir í móðurætt líka....ætli Einar sé algengt nafn á Íslandi????

nöldur nöldur nöldur ég veit ekki alveg hvað ég ætla að skrifa meira þannig að ég er hætt í bili......

..GLEÐILEG JÓL ELSKURNAR MÍNAR

mynda(r)skapur

Thu, 22 Dec 2005 03:32:17 GMT

Ég er búin að vera að taka til á myndasíðunni minni, búin að færa til og bæta við og allskonar svoleiðis, hvet ykkur til að skoða.

sunnudagur til sælu

Sun, 18 Dec 2005 16:51:36 GMT

kannski ég hefði átt að taka það fram hérna í seinustu færslu að ég fæ vogris ef ég er of lengi með gleraugun mín eða nota vitlausa augnmálningu eða bara eitthvað sem pirrar augun og svo í mesta lagi eftir 2 daga er það farið...ég er pínu gölluð að þessu leyti og hef verið svona í mörg ár....þannig að augun eru í fínu lagi núna

munnangur fæ ég öðruhvoru og sennilega er það tengt matarræði það er bara ekki alltaf sami hluturinn sem ég hef borðað en ég borðaði ca 1 hvítkálshaus þennan dag og það er víst meira en nóg fyrir viðkvæman munn....

sundurbitnar varir eru jú sjálfri mér að kenna og í augnablikinu ræður vaselínið við að mýkja þær en ég kaupi þá bara brjóstakrem ef það gengur ekki....það er bara af því að það eru margir sem eru búnir að segja mér þetta með brjóstakremið sem ég trúi því að það hjálpi en ég er samt ekki alveg viss um að ég geti keypt það án þess að flissa!!

þannig að það er bara bólan sem pirrar mig því ég get ekki sleppt því að fikta í henni..garg..en hún (bólan) sagði mér að hún ætlaði að vera amk eina viku í viðbót þarna svo ég hafi eitthvað að gera á meðan ég þykist vera að lesa bloom, marsh, willis og aðra álíka skemmtilega gaura

ég er að hugsa um að halda áfram að lesa um minni, skilning, beitingu, greiningu, nýsköpun og mat og sjá hvort ég öðlist það á lestrinum því það er jú það sem ég er að reyna.

fimmtudagur frh

Fri, 16 Dec 2005 01:02:45 GMT

þrátt fyrir sundurbitnar varir, vogris í báðum augum, bólu á gagnauga og munnangur dauðans þá voru allar einkunnir klárar í dag og öll verkefni yfirfarin...eða svona næstum því;) sjötti áfanginn sem ég kenni varir í 2 annir þannig að það eru skil seinna en á hinum sem eru búnir núna

núna get ég farið að einbeita mér að verkefninu sem ég á víst að skila á þriðjudaginn.

í dag fékk ég nýjan ofn í stofuna hjá mér og hefur sá gamli verið jarðaður í kyrrþey!!! núna er heitt og gott í stofunni hjá mér...

ég á að mæta á fund kl 9:30 í fyrramálið þannig að ég held að ég ætti að fara að halla mér....varð bara að klára að horfa á Jamie Oliver því hann er svo mikið krútt;)

ég hef "bara" hlustað á blunt ca 200 sinnum í dag því ég þurfti líka að hlusta aðeins á baggalút

ps) veit einhver um undrameðal á sundurbitnar varir, það er farið að kólna og þá fæ ég venjulega hræðilegan varaþurrk og ég má ekki við því að þær springi eitthvað frekar

fimmtudagslíf

Thu, 15 Dec 2005 09:59:31 GMT

Allt á fullu hérna núna...

ég hlusta á Back to Bedlam með James Blunt u.þ.b. 300 sinnum á dag....ætli það sé óhollt????

knúsímúsí

ps) ég veit um lítinn fyrirbura sem berst fyrir lífinu og gæti þegið allar þær bænir sem þið þarna úti eigið á lausu